النهاردة شوفت بوست على الفيسبوك كاتبه عندي لحمة مفرومه و محتاره أعمل أكل إيه لولادي و ناس كتير محتارة و الاقتراحات متكررة

حقيقي مع الروتين اليومي للمطبخ كتير بيحتاروا يطبخوا أكل إيه النهارده,
عندك مكونات كتير و محتاره و زهقتي من الأكلات التقليدية اللي بتعمليها
و فوق كل ده بنفس المكونات ممكن تلاقي أكلة مبتكرة جديدة تعمليها و إنتي مش عارفه

عشان كده بيقولنا المهندس محمد سعيد إنه أسس موقع Aklti.com عشان يساعدك تجاوبي سؤال كل يوم
مستخدمي الموقع بيدخلوا إيه المكونات اللي عندهم و الموقع بيقترح أكلات ووصفات من كل دول العالم
و فوق ده كله تقدر كمان تختار الفئة حلو أو حادق أو مقبلات أو حلويات
الموقع بيعرض إقتراحات الأكل بأقل إضافات ممكنة عشان يساعدك تبتكري و توفري في نفس الوقت
بيحكيلنا مهندس محمد سعيد إن الموقع بدأ من سنة 2005 لما عمل خدمة إسمها اللهلوبة على موقع صبايا كافية و سجل فكرتة في مكتب حقوق الملكية الفكرية المصري و طورها سنة 2016 عشان تبقى موقع منفصل و قريب تكون تطبيق على الموبايل يساعد ست البيت و كل شخص حابب يبتكر أكل يفتح نفسه.