روميو وجوليت الإسكندرية
روميو وجوليت الإسكندرية.. خطب مراته بعد 30 سنة جواز ودى روشتة السعادة الزوجية
روميو وجوليت الإسكندرية
يعتبر سر السعادة الزوجية من الأمور التى يصعب إيجادها كثيراً، ولهذا أطلق عليه "سر"، ولكن الحاج مجدى وزوجته استطاعوا أن يصلوا لهذا السر وأخبرونا كيف يعيشون فى فترة الخطوبة بعد أكثر من 30 سنة زواج.
السيدة حنان ذات الـ53 عاما لم تفقد جمالها ولا حيويتها بعد هذه السنين، بل على العكس واصلت التجارب المجنونة والجميلة مع زوجها حتى لا يشعر أحدهما بالملل، خاصة وأن الزواج تم منذ أكثر من 30 سنة وهو ما شجعه على القيام بإحدى مفاجأته لها.
أكدت حنان السعدنى ، :"كنت فى فرح حد قريبنا وفوجئت به جايبلى الدبل وبيطلب من أهلى يخطبنى من جديد، وفعلا كانت مفاجأة كبيرة، وفجأة الفرح بقى فرحى والباند شغلنا يا دبلة الخطوبة عقبالنا كلنا وكانت ليلة سعيدة جداً محدش من اللى حضرها نسيها".
وأضافت قائلة: "دايماً الناس بتتكلم عن التعاسة الزوجية وإن محدش مبسوط فى حياته وشوفت ده فى أحد الجروبات فبعتلهم صورة خطوبتى مع جوزى بعد 30 سنة جواز، وكان رد الفعل كبير والناس قعدت تسألنا إيه السر والموضوع بسيط هو التقدير والاحترام وأن كل واحد فينا يراعى ربنا فى شريك حياته".
وتنصح حنان من يعانى فى حياته الزوجية قائلة: "يا جماعة الموضوع مش بالفلوس الكتير الحكاية كلها انكم ترضوا بإمكانيتكم وتحاولوا تحبوا بعض بجد لان مفيش حاجة بتدوم غير الحب".
بينما قال مجدى مهران: "اتعرفت على المدام في لحظة ربنا قالى دى هتبقى رفيقة حياتك، وفى أقل من سنة عقدنا القران من خطوبتن، المودة والرحمة موجودة وهى اللى خلت الحياة تستمر بيننا حتى وصلنا إلى 30 عاما من الزواج ".
واستطرد حديثه قائلًا: "اخترت يوم 7 نوفمبر وهو يوم مولدى أن نقيم حفل خطوبة بيننا بعد 30 سنة زواج وأصبح بيننا أبناء، وهذه الفكرة جاءت لى كرسالة اطمئنان وفرح لحياتنا الزوجية وسط مجموعة من الاهل و الأصدقاء ولاقيت الفرحة والاطمئنان على الكل ورحبوا بالفكرة".
