هاني شاكر يرفض اعتذار حمو بيكا
بالفيديو- هاني شاكر يرفض اعتذار حمو بيكا
هاني شاكر وحمو بيكا
صرح الفنان هاني شاكر بأنه لم يتقبل اعتذار حمو بيكا مطرب المهرجانات ولا يعتقد أن أي من أعضاء النقابة يتقبلون اعتذاره أيضا.
وقال هاني شاكر أن ما حدث ليس بالشيءالهين فهو تهديد واضح بحرق النقابة وهدها والتعدي على أعضائها بألفاظ خارجة"، مضيفا "أد كدا النقابة عاملالك مشكلة، والناس اللي في النقابة أخلاقهم مش كويسة، ومرتشيين".
وأشار نقيب الموسيقيين إلى أن جميع الإجراءات القانونية سيتم اتخاذها ضد حمو بيكا خلال الفترة المقبلة.
مؤخرا اعتذر حمو بيكا عما بدر منه في حق الفنان هاني شاكر ونقابة الموسيقيين.
وكشف حمو بيكا عن الأسباب التي جعلته يفقد اعصابه ويهدد بالقيام بثورة ضد هاني شاكر.
وقال: "أنا بعتذر يا أستاذ هانى شاكر أنت أمير الغناء العربي، وأنا مكنش قصدى إنى أزعلك، كان كل هدفى إنى أكل عيش، أنا معايا 20 فرد بياكلوا عيش، ناس فاتحة بيوت وبتصرف على عائلاتها، أنا اللى خلانى اضايقت وأنزل الفيديو أنى لفيت 8 ساعات، وشغلى كله كان واقف".
وتابع: "وأنا إللى كنت عايز أعمله أنى امشى قانونى واعمل تصريح وانزل اشتغل ومكنش قصدى أنى أزعلك".
https://www.instagram.com/p/B4UuaC9Aw0L/
وأضاف: "أنا بحبك وإحنا عيالك يا أستاذ هانى، أنا كان كل هدفى إنى صوتى يوصلك، وقدام الناس كلها بقولك أنا آسف ليك، ولو عايزنى أجيلك أو اطلع على الهواء اتأسفلك هطلع، أنا بقالى 6 أشهر واقف عن العمل، والناس اللى معايا مقدرش امشيهم، إحنا نروح فين دى بلدنا وإحنا اخترنا فن الناس بتحبه وبتفرح بيه عمرنا ماضايقنا حد، وقدمنا محتوى تانى وبقينا ناخد بالنا من الكلام، وبقيت بنقى الكلام الصح".
