طريقة جديدة لاكل البطاطا فى الشتا
اما انا جبتلكم ظريقة لعمل البطاطا فى الشتا دة لكن جميلة منها البطاطا تكون سخنة و منها يكون طعمها حلو و جديد فى نفس الوقت و الطريقة هى انك تجيبى البطاطا بعد طبعا متسويها عادى و تقومى تشيلى قشرتها و تخدى قلبها و تحطيه فى طاجن و بعدين تحطى عليها لبن كتير لحد ما تبقى سايبة شوية و تحطيلها جوز هند و زبيب و سودانى و تقلبى كله مع بعض .. بعدين تحطيها فى الفرن على حرارة عالية لحد ما تسخن و ممكن كمان تسيبيها لحد وشها ما يحمر .. يعنى زى ما تحبى .. انا عن نفسى بحبها اكتر لمل تسخن بس اوى .. كمان لو حبيتى تحطى معلقة سمنة علشان وشها يتحمر كويس حطى لكنها هتكون تقيلة شوية و من غيرها هتكون اخف.. بس طبعا كل واحد حر .. و بالهنا و الشفا و يا رب تعجبكو و تدعولى لانها بتدفى فى الشتا
المقالات ذات صله
